برنامج المرايا
التتـــــر
أهلا بيكم معانا في ثاني حلقاتنا من برنامجكم
أهلا وسهلا بيكوا معانا مرة تانية
هتعمل ايه لو نمت يوم وصحيت ...بصيت
وشوفت نفسك فى المرايا بكيت
جواك سؤال تصرخ تقول انا مين ... انا مين
انا زى ما انا ولا اتقسمت اتنين
وبعدين قول ياللى فى المرايا
فهمنى ايه الحكاية فرحان ... تعبان ... مرتاح
لما حاجات كتير ف حياتنا اتسببت فى حيرتنا
وادينا عايشين راضيين ... جايين ورايحين
هتعمل ايه لو نمت يوم وصحيت ... ولاقيت
اقرب ماليك فى الدنيا مش حواليك
هوه انت مين اللى عمل كدا فيك ... كدا فيك
مش انت ولا فى حد غمى عينيك
وبعدين قول ياللى فى المرايا
فهمنى ايه الحكاية فرحان ... تعبان ... مرتاح
لما حاجات كتير ف حياتنا اتسببت فى حيرتنا
وادينا عايشين راضيين ... جايين ورايحين
أهلا بيكم معانا في ثاني حلقاتنا من برنامجكم
المرايا
أحب أقول إنك وحشتوني جدا
وأنا جاي النهارده في المواصلات وكنت محتار نتكلم في إيه
وبعد تفكير ما أخدش مني كتير يا دوب محطتين قررت إني أناقش معاكم
مشكلة الشباب وخصوصا اللي شايل مسئولية وحاسس بقيمتة في المجتمع
الشاب من دول بيخرج من الجامعه جواه طموح عالي جدا نفسة يشتغل أحسن
شغل ويقبض كويس عشان يقدر يعيش ويتجوز البنت اللي بيحبها ويعمل عيلة
يخرج منها أولاد برضة يشتغلوا والعجلة تدور
المهم الشاب من دول أول ما يتخرج في الواقع وطالما قولنا الواقع يبقى زي العسل
المهم بيتصدم ما فيش الشغل اللي يحقق أمنياته وطموحة وعشان هو شاب طموح
بيشتغل أي حاجة تجيب قرش لحد ما ربنا يكرم ويدخل جوا مفرمة الأيام
الشغل 12 ساعة ومرتب محسوب من يوم 1 في الشهر يا دوب يوم 30 بيبقى
معاه مواصلات يروح يقبض أول الشهر تاني يعني ما فيش توفير
وما فيش جواز وما فيش وقت يدور على شغل غير اللي هو فيه
ويوم ورا يوم وتعدي الشهور وشهر ورا شهر وتعدي السنين
وصاحبنا زي ما هو ويتفاجئ بإن عمرة بقى عدى ال35 ولسة بيلبس
ونازل نفس الشغل وبيقول يارب اللي في جيبي يكفيني لأخر الشهر
ويبص في المرايا يلاقي الشعر الأبيض بدأ الغزو في شعر راسة
وبصراحة معانا تليفونات كتير بس بتقول إقفل الكلام في الموضوع ده
المهم نروح ونرجعلكم
فاصل وسنعود بالجزء الثاني من الحلقة فإبقوا معنا
أهلا وسهلا بيكوا معانا مرة تانية
هنضطر نغير الموضوع عشان شكلنا هنبدأ نتكلم في السياسة
المهم إحنا هنبدأ نتكلم عن موضوع جديد خالص ألا وهو نفس الموضوع
ودا لأننا ما بنخفش والمرايا دايما صادقة وما بتكدبش
معانا قصة ظريفة كان قالهالي واحد صاحبي وإحنا جايين في المواصلات
وصاحبي ده إسمة أحمد حسن عشان بس إسمة يطلع في التليفزيون
كان شاب في الجامه تربطة قصة حب جميلة مع بنت في فرقة أقل منه بسنتين
المهم أخونا دا إتخرج وهية لسة فس الجامعة وقضى الجيش بتاعة سنة وخرج من الجيش
فضل يدور على شغل المهم حبيبته بعد سنة كمان إتخرجت
وصاحبنا لسة بيدور على شغل بعد 3 سنين ما قدرتش تصمد
المهم إتجوزت بس واحد غيره معاه فلوس
ومرت سنين وصاحبنا شغال على ما تفرج وبعد 24 سنة صاحبنا
جاتله الفرصة شغله من غير واسطة وهو عمرة كام 45 سنة وواقف في الطابور
مع باقي المتقدمين وكانت من طرائف الطابور اللي قدامة عنده 24 سنة وعنده أمل يشتغل
هو الأخرولقى ظروفة نفس الظروف بتاعته بيحب واحده وهي ناقصة
سنة وتتخرج قاله دا أنا مريت يا إبني بنفس اللي إنت بتقوله
صعب عليه قاله طب خلاص إنت أولى بالشغلة وريني ورقك لايكون ناقصة حاجة
بيبص في شهادة الميلاد لقى الشاب إبن حبيبتة
جري ووقف قدام المرايا يضحك والدموع نازلة مغرقة خدودة
وينزل التتر
جواك سؤال تصرخ تقول انا مين ... انا مين
انا زى ما انا ولا اتقسمت اتنين
وبعدين قول ياللى فى المرايا
فهمنى ايه الحكاية فرحان ... تعبان ... مرتاح
لما حاجات كتير ف حياتنا اتسببت فى حيرتنا
وادينا عايشين راضيين ... جايين ورايحين
هتعمل ايه لو نمت يوم وصحيت ... ولاقيت
اقرب ماليك فى الدنيا مش حواليك
000000
000
0
ليست هناك تعليقات:
إرسال تعليق